Atyraýda oqýshylar men stýdentter búgin tústen keıin onlaın oqyp jatyr
Atyraý oblystyq bilim basqarmasynyń baspasóz qyzmetinen málim etkendeı, búgin, 3 sáýirde oqýshylar men stýdentter qashyqtan bilim alady.
Mundaı sheshim qabyldaýǵa Kaspıı jaǵalaýyndaǵy qamystyń jaǵymsyz ıisi sebep bolǵan.
Qazir Atyraý qalasynda tútinniń ótkir ıisi sezilip tur.
«Búgin, 3 sáýirde Atyraý qalasynda tútinniń ıisi shyǵýyna baılanysty mektep oqýshylary men kolledj stýdentteri qashyqtan bilim alady. Qosymsha aqparat keıin habarlanady», -dep málim etti bilim basqarmasynyń baspasóz qyzmeti.
Eske sala ketelik, buǵan deıin Kaspıı jaǵalaýynda janǵan qamys tútini Atyraýdy basyp qalǵanyn habarlaǵan bolatynbyz.
«Kaspıı teńiziniń jaǵalaýyndaǵy «Aqjaıyq memlekettik tabıǵı rezervatynyń aýmaǵynda qamys janyp jatyr. Bul – Atyraý qalasynyń mańyndaǵy Damby aýylynan 30 shaqyrym qashyqtyqtaǵy aýmaq. Búgin, 2 sáýirde jergilikti ýaqytpen saǵat 19:00 shamasynda qamys órti shamamen 85 gektar aýmaqty sharpydy. Tótenshe jaǵdaılar jáne «Aqjaıyq» memlekettik tabıǵı rezervatynyń qyzmetkerleri 80 gektar aýmaqtaǵy órtti sóndirdi. Jel ekpini órtti sóndirýge qıyndyq keltirip tur. Eldi mekenderge tónip turǵan qaýip joq», -dep habarlady departamenttiń qoǵammen baılanys tobynan.
Al, búgin, 3 sáýirde teńiz jaǵalaýyndaǵy qamys órtin sóndirý jalǵasyp jatyr.
Jalyndy sóndirýge tótenshe jaǵdaılar departamentinen 38 qyzmetker, 4 tehnıka, Aqjaıyq» memlekettik tabıǵı rezervatynan 30 adam, 9 tehnıka, 2 qaıyq, 4 motopompa tartylǵan.
