Atyraýda oqýshylar arasyndaǵy oqys oqıǵaǵa qatysty túsinik berildi
ATYRAÝ. QazAqparat – Atyraýda oqýshylar arasynda oqys oqıǵa oryn joq, dep habarlaıdy QazAqparat.
Budan buryn áleýmettik jelide atyraýlyq oqýshynyń traktordan qulaǵany taraǵan edi. Oblystyq bilim basqarmasynyń baspasóz qyzmeti bul oqıǵanyń qashyqtan oqytýdaǵy ınternet jelisine esh qatysy joqtyǵyn málim etti.
«27 qyrkúıekte Qyzylqoǵa aýdanynyń Janterek eldi mekenindegi shtattyq rejımde jumys isteıtin №75 bastaýysh mekteptiń 3 synyp oqýshysy qyrdaǵy atasynyń úıine barǵany anyqtaldy. Oqýshy traktordan qulap, qolyn aýyrtyp alǵan. Anasy ony Atyraý qalasyna ákelip, qolyna gıps saldyrǵan. Qazir mekteptegi sabaǵyna qatysyp júr.
Sondaı-aq, Atyraý qalasynyń mańyndaǵy Tasqala eldimekeninde ornalasqan №32 orta mektebiniń 9 synyp oqýshysy 1 qazanda úıiniń shatyrynan qulap qolyn syndyryp alǵan. Ol ata-anasyna kómektesý úshin jańadan salynyp jatqan úıdiń shatyryna shyqqan. Qazir ol oblystyq balalar aýrýhanasynda em alyp jatyr. Sabaqty qashyqtan oqıdy» -dep habarlady basqarmanyń baspasóz qyzmeti.
Eske sala ketelik, buǵan deıin Atyraý oblysynda 22 myńnan astam kompıýterlik tehnıka taratylǵan bolatyn.
