Atyraýda oqýlyq tapshylyǵy bolmaıdy - Bilim bólimi

ATYRAÝ. QazAqparat - Atyraýda oqýlyq tapshylyǵy bolmaıdy. Qalalyq bilim bólimi qala mektepterindegi oqýlyqtar óz ýaqytynda jetkiziletinine ýáde berdi, dep habarlaıdy QazAqparat tilshisi. 

Bul týraly óńirlik kommýnıkatsııalar qyzmetinde ótken brıfıngte qalalyq bilim bólimi basshysynyń orynbasary Erlan Qabıdenov málimdedi. Spıkerdiń aıtýynsha, bilim berý uıymdaryna oqýlyqtar 15-23 tamyz aralyǵynda jetkiziledi.

«2018-2019 oqý jylynyń eń ózekti máselesi - oqýshylardy oqýlyqpen qamtý bolatyn. Bıyl oqýlyqtar men oqý-ádistemelik keshenderdi satyp alýǵa 945 mln 417 myń teńge qarajat bólinip, kitap satýmen aınalysatyn 14 kompanııamen kelisimsharttar jasaldy. Sondaı-aq, oqýlyqtar úshin 30% aldyn-ala tólem jasaldy. Bıyl qalalyq mektepterde oqýlyq tapshylyǵy bolmaýy kerek», - dedi E. Qabıdenov.

Sondaı-aq, qalalyq bilim bólimi mektepterge oqýlyq ýaqytynda jetkiziledi dep ýáde berdi. Oqýlyqtardy tasymaldap, jetkizýge 5 mln 470 myń teńge bólinip, konkýrs qujattary qalalyq qarjy bólimine usynylǵanyn jetkizdi.