Atyraýda oqtan jaralanǵan er adam kóz jumdy
ATYRAÝ. QazAqparat - Atyraýda atys kezinde jaralanǵan er adam kóz jumdy, dep habarlaıdy QazAqparat tilshisi.
Oblystyq polıtsııa departamenti baspasóz qyzmetiniń málimdeýinshe, atys kezinde jaralanǵan 1986 jyly týǵan er adam qaıtys bolǵan.
Eske sala keteıik, Atyraýda polıtsııa adamǵa oq atqan Maqat aýdanynyń eki turǵynyn izdep jatqany týraly habarlaǵan edik.
Áleýmettik jelide taralǵan habarlamaǵa qaraǵanda, oblystyq aýrýhananyń jansaqtaý bólimine 1986 jylǵy er adam túsken. Onyń sol ıyǵyna bytyramen oq atyp, jaraqattaǵan. Jaraqattanǵan er adam - Maqat aýdanynyń turǵyny. Osy qylmysty jasady degen kúdikpen osy aýdannyń 1973 jáne 2002 jylǵy turǵyndary izdestirilip jatyr.
Adamdy jaraqattaý faktisi QR QK 99-baby 1-bóligi boıynsha Sotqa deıingi tergeýdiń biryńǵaı tirkelimine tirkelgen.
Avtor: A. Sokolov
