Atyraýda ókpesi 90 paıyz qabynǵan áıel emdelip shyqty
ATYRAÝ. QazAqparat – Atyraýdaǵy №2 oblystyq aýrýhanaǵa ókpesiniń 90 paıyzy qabynyp túsken 56 jastaǵy áıel emdelip shyqty, dep habarlaıdy QazAqparat.
Emdeýshi dáriger Aıdana Ǵalymjanqyzynyń aıtýynsha, naýqas aýrýhanaǵa 17 shildede túsken.
«Naýqastyń ókpesiniń 90 paıyzy qabynǵan. Ony jansaqtaý bólimine jetkizbeı, beıimdeý bóliminde emdedik. Naqty qoıylǵan dıagnoz ben em-domnyń nátıjesinde naýqas saýyǵyp, 8 tamyzda aýrýhanadan shyǵaryldy. Aldaǵy ýaqytta Mahambet aýdanynda ýchastkelik dárigerdiń tikeleı baqylaýynda bolady. Bul – óńirde tirkelgen birinshi jaǵdaı» -deıdi Aıdana Ǵalymjanqyzy.
Onyń málimetinshe, qazir aýrýhanada ókpesiniń 98 paıyzy qabynyp túsken naýqastar em qabyldap jatyr.
Eske sala ketelik, budan buryn Alekseı Tsoı Atyraýda aımaqtyq shtabtyń otyrysyn ótkizgenin habarlaǵan edik.
