Atyraýda oblystyq aýrýhananyń sýsyz qalǵany joqqa shyǵaryldy
ATYRAÝ. QazAqparat – Atyraýda oblystyq aýrýhananyń sýsyz qalǵany joqqa shyǵaryldy, dep habarlaıdy QazAqparat tilshisi.
Oblystyq densaýlyq saqtaý basqarmasynyń basshysy Nurlybek Qabdyqaparovtyń málim etýinshe, óńirdegi aýrýhanalarda sý tapshylyǵy máselesi týyndamaǵan.
«Qazir kúnniń ystyqtyǵyna sáıkes, mekemeler men turǵyn úılerde arnaıy jeldetkish quraldary qoldanylady. Degenmen, qazirgi ýaqytta naýqastardyń kópshiligi pnevmonııaǵa shaldyqqandyqtan, aýrýhanada mundaı jeldetkishterdi qoldaný keleńsizdik týdyryp, emge áserin tıgizýi múmkin. Sol sebepten, naýqastarǵa ishýge paıdalaný úshin aýyz sý, basqa da qajetti zattar ákelinetin bolsa, biz qarsylyq bildirmeımiz. Biraq, aýrýhanalarda 24 saǵat sý júrip tur», - dedi Nurlybek Qabdyqaparov.
Eske sala ketelik, Atyraý oblysynda karantın kúsheıtildi.
