Atyraýda oblystyq aýrýhanada 230 oryndyq ınfektsııa statsıonary ashyldy

ATYRAÝ. QazAqparat – Atyraýdaǵy oblystyq aýrýhanada 230 tósektik ınfektsııalyq statsıonar ashyldy, dep habarlaıdy QazAqparat.

Oblystyq densaýlyq saqtaý basqarmasy basshysynyń orynbasary Qaısar Abdalıevtyń málimetinshe, buǵan sońǵy aptada koronavırýs ınfektsııasyn juqtyrý dereginiń kóbeıýi sebep bolǵan.

«Atyraý qalasynda qaýipti vırýsqa shaldyqqandar sanynyń ósýine baılanysty rezervten 330 tósek-orynǵa eseptelgen ınfektsııalyq statsıonar ashyldy. Onyń ishinde oblystyq kardıologııalyq ortalyqta 100, al, oblystyq aýrýhanada 230 tósek-oryn bar. Qazir oblystaǵy ınfektsııalyq tósek-oryn sany 2 428-ge jetti. Budan basqa, óńirde 310 tósek-orynǵa arnalǵan rezervtik ınfektsııalyq statsıonar, onyń ishinde 20 reanımatsııalyq tósek ázirlendi» -deıdi Qaısar Abdalıev.

Eske sala ketelik, buǵan deıin Atyraýdaǵy kardıologııalyq ortalyqta ınfektsııalyq statsıonar qurylǵan bolatyn.