Atyraýda oblys prokýrorynyń kómekshisi úıqamaqqa alyndy

ASTANA. QazAqparat - Atyraý qalalyq №2 sotynyń tergeý sýdıasy Atyraý oblysy prokýrorynyń kómekshisi S.-ny 2 aı merzimge úı qamaqta ustaýǵa sanktsııa berdi. Bul týraly qalalyq №2 sottyń baspasóz qyzmeti habarlady.

Azamat S. ustalǵan, qamaýǵa alynǵan jáne qylmystyq jazasyn ótep jatqan tulǵalardyń quqyqtarynyń saqtalýyn qadaǵalaý basqarmasynda Atyraý oblysy prokýrorynyń kómekshisi bola tura memlekettik qyzmet jáne memlekettik basqarý múddelerine qaıshy qasaqana aýyr sybaılas jemqorlyq quqyq buzýshylyqtardy jasaýǵa qatysty dep kúdiktelýde.

Sondaı-aq sýdıa tergeý tobynyń kúdiktini ýaqytsha jumystan shettetý týraly usynymyn qanaǵattandyrdy.

Tergeý is-sharalary jalǵasýda.