Atyraýda «Nur Otan» partııasy oblystyq fılıaly memorandýmdarǵa qol qoıdy
Aıta keteıik, ózara yntymaqtastyq jónindegi memorandýmǵa oblystyq bilim berý basqarmasy men jumyspen qamtý jáne áleýmettik baǵdarlamalar basqarmasy, mádenıet, muraǵattar jáne qujattama basqarmasy, «Atameken» ulttyq kásipkerler palatasy Atyraý óńirlik fılıaly arasynda birlesken jáne kelisilgen áreketterdi júzege asyrý barysynda ózara qoldaý men belsendi yntymaqtastyqpen qamtamasyz etýdi kózdeıdi.
Partııa qolǵa alǵan jańa jobalardyń qatarynda tsıfrlandyrýdy júzege asyrý, shaǵyn jáne orta bıznesti qoldaý jáne «Rýhanı jańǵyrý» baǵdarlamasyna úles qosýǵa baǵyttalǵan tyń bastamalar bar. Bul jobalar aldymyzda turǵan eń basty maqsat - eń damyǵan 30 eldiń qataryna qosylýǵa jáne qazaqstandyqtardyń álemdik básekege qabilettilikterin arttyrýǵa óz septigin tıgizedi», - dedi «Nur Otan» partııasy Atyraý oblystyq fılıaly tóraǵasynyń birinshi orynbasary Nurlybek Ojaev.
Nurlybek Ojaevtyń aıtýynsha, partııalyq jańǵyrý aıasynda aldaǵy ýaqytta oblys kóleminde balalarǵa arnalǵan 10 IT-synyp ashylyp, 8 jastan 16 jasqa deıingi mektep oqýshylary baǵdarlamalaý jáne robot tehnıkanyń negizderi jaıynda tereńdetilgen bilim almaq. Atap aıtqanda 2018 jyly -700, 2019 jyly - 1500, 2020 - 2000 balany oqytý josparlanyp otyr.
Sondaı-aq jaqyn kúnderi Halel Dosmuhamedov atyndaǵy Atyraý memlekettik ýnıversıtetiniń bazasynda ІT - ortalyq ashylady. Ortalyqta jas ereksheligine qaramastan nıet bildirýshi azamattar tsıfrly saýattylyqtaryn arttyryp, kásipkerlikti damytý baǵytyndaǵy veb-baǵdarlamalardy jasaqtaýǵa oqı alady.
ıAǵnı partııa joba aıasynda azamattardyń tsıfrly saýattylyqtaryn arttyryp qana qoımaı, olardyń álemdik iri jobalarǵa qatysatyn básekege qabiletti maman bolyp qalyptasýyna jaǵdaı jasamaq.
