Atyraýda nómirsiz júrgen 200-ge jýyq kólik anyqtaldy
ATYRAÝ. QazAqparat –Atyraý oblysynda jyl basynan beri memlekettik tirkeý belgisi joq kólikterdi basqarǵan 169 júrgizýshi anyqtaldy, dep habarlaıdy QazAqparat.
«Atalǵan kólik júrgizýshilerine qatysty QR Ákimshilik quqyqbuzýshylyq týraly Kodeksiniń 590-babyna sáıkes (Qujattary joq jáne júrgizý quqyǵy joq adamnyń kólik quraldaryn júrgizýi) hattamalar toltyryldy. Júrgizýshilerdiń árqaısysyna 10 AEK (27780 teńge) mólsherinde aıyppul salyndy. Sonymen qatar, 73 kólik quraly arnaýly turaqqa jetkizildi» -dep habarlady oblystyq polıtsııa departamentiniń baspasóz qyzmeti.
Al 16 qyrkúıekte memlekettik tirkeý belgisi joq kólikti basqarǵan 3 júrgizýshi anyqtalyp otyr. Olarǵa da ákimshilik quqyq buzýshylyq týraly hattama jasaqtalǵan.
Eske sala ketelik, budan buryn Atyraýda 385 mas júrgizýshi jeti jylǵa kólik júrgizý quqyǵynan aırylǵan bolatyn.
