Atyraýda nómirsiz Mersedespen ózen muzynda syrǵanaǵan júrgizýshi ustaldy
ATYRAÝ. QazAqparat -Atyraýda Jaıyq ózeniniń Turǵyndar qalashyǵy tusynan bastap ortalyq kópir mańyna deıin muz ústinde júrip ótken avtokólik júrgizýshisiniń kim ekeni anyqtaldy, dep habarlaıdy QazAqparat.
«Muz ústinde kólikpen «oınaqtaǵan» «Mersedes-Bentstiń» 22 jastaǵy júrgizýshisine QR ÁQBtK-niń 590-baby 2-bólimi, ıaǵnı memlekettik nómirsiz avtokólik basqarǵany jáne 620-baby 1-bólimine sáıkes, jol júrisine qatysty erejeni buzǵany úshin 2 hattama toltyryldy», - dep habarlady oblystyq Polıtsııa departamentiniń baspasóz qyzmetinen.
