Atyraýda Nıgerııa azamaty bezgek aýrýyna shaldyqty
ATYRAÝ. QazAqparat - Atyraýda sheteldik azamattan bezgek aýrýy anyqtaldy, dep habarlaıdy QazAqparat tilshisi.
«Atyraýda bezgekke shaldyǵý oqıǵasy sońǵy 18 jylda alǵash tirkelip otyr. Syrqattanǵan adam - Nıgerııanyń 46 jastaǵy azamaty. Ol munaı kompanııasynda jumys isteıdi. Eńbek demalysynan keıin Atyraýǵa oralǵan ol, densaýlyǵy nasharlap, jekemenshik klınıkaǵa júgingen. Alǵashqy analızderdiń ózi bezgek aýrýyn rastady. Nıgerııalyq azamat jekemenshik klınıkada ıntensıvti emdik kýrsynan ótip, úıine qaıtýǵa daıyndalýda», - dep málim etti Atyraý oblystyq Qoǵamdyq densaýlyq saqtaý departamentiniń basshysy Temirbek Musaǵalıev.
Departament basshysynyń atap ótýinshe, bezgek adamnan adamǵa juqpaıdy. Onyń tasymaldaýshysy - bezgektik masa. Aýrýdyń alǵashqy belgileriniń biri - dene qyzýynyń kúrt kóterilýi. Bul jaǵdaıda dereý aýrýhanaǵa júginý qajet.
Avtory Andreı Sokolov
