Atyraýda nesıe keńsesin tonaǵan kúdikti ustaldy
ATYRAÝ. QazAqparat – Atyraýda shaǵyn nesıe keńsesin tonaǵan kúdikti ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, tonaý deregi 5 naýryzda Atyraý qalasynda tirkelgen.
«Kúndizgi saǵat saǵat 10:45 shamasynda «102» operatoryna Vokzal mańy shaǵyn aýdanynda ornalasqan shaǵyn nesıe keńsesiniń kassıri telefon soqqan. Kassır medıtsınalyq
betperde kıgen belgisiz azamattyń saǵat 10:30 shamasynda pyshaqpen qorqytyp, kassadaǵy 400 000 teńgeni alyp ketkenin habarlady. Polıtsııa departamentiniń qyzmetkerleri jedel-izdestirý sharasyn júrgizip, qylmystyń izin sýytpaı 25 jastaǵy kúdiktini ustady. Ol
ýaqytsha ustaý ızolıatoryna qamaldy», dep habarlady departamenttiń baspasóz qyzmetinen.
Qazir kúdiktige qatysty QR Qylmystyq Kodekstiń 192-baby, 1-bóligimen sotqa deıingi tergeý amaldary júrgizilýde.
Eske sala ketelik, buǵan deıin Atyraýda shaǵyn nesıe beretin keńseni tonaǵan kúdikti qolǵa túsken edi .
