Atyraýda Naýryzǵa tigilgen ádemi kıiz úılerge baıqaý jarııalandy
Negizgi merekelik sharalar oblys ákimdiginiń aldyndaǵy «Beıbarys sultan» alańynda ótedi. Qazir onda tigilgen kıiz úılerdiń sany 23-ke jetti. Budan tys, qaladaǵy 7 alańda oıyn-saýyq uıymdastyrylady. Ortalyq «Imanǵalı» meshitiniń aýmaǵynda, «Jeńis» saıabaǵynda, Avangard, Prıvokzalnyı, Balyqshy, Jılgorodok, Nursaıa yqshamaýdandarynda qazaqtyń aq kıiz úıleri tigilip jatyr.
«21 naýryzda «Beıbarys sultan» alańynda túrli uıymdardyń ujymdary arasynda ulttyq salt-dástúrler boıynsha baıqaý ótedi. 22 naýryzda teatr kórinisteri, ulttyq oıyndar, sport jarystary uıymdastyrylady. Merekede eń ádemi kıiz úı ıesine 300 myń teńge syıaqy tapsyrylady. Al ekinshi orynǵa - 200 myń, úshinshi orynǵa - 100 myń beriledi», - deıdi qalalyq mádenıet jáne tilderdi damytý bóliminiń bas mamany Quralaı Qumarova.
