Atyraýda Naýryz meıramyn toılaýǵa bólingen 35 mln teńge bıýdjetke qaıtaryldy

ATYRAÝ. QazAqparat –Atyraý oblysynda kórisý jáne Naýryz merekesi sharalaryna bólingen 35 mln teńge bıýdjetke qaıtaryldy, dep habarlaıdy QazAqparat.

Bul týraly oblystyq mádenıet, arhıv jáne qujattama basqarmasy basshysynyń mindetin atqarýshy Mıra Dáýletbaeva málim etti.

«Atyraýda 284 mádenıet nysany bar. 13 naýryzdan bastap tótenshe jaǵdaıǵa baılanysty kontserttik zaldar men mádenıet úıleri, kitaphanalar, mýzeıler men teatrlar jumysyn ýaqytsha toqtatty. Mahambet atyndaǵy akademııalyq qazaq drama teatrynda ótetin spektaklder men kontsertterge satylǵan bıletterdiń 80 protsenti qaıtaryldy. Sala qyzmetkerleriniń 70 protsenti qashyqtan jumys isteý rejımine kóshti» -dedi Mıra Dáýletbaeva.

Onyń aıtýynsha, bıyl kórisý jáne Naýryz merekesine arnalǵan sharalardy ótkizýge bólingen 35 mıllıon teńge bıýdjetke qaıtarylǵan.