Atyraýda naýqastarǵa kómek kórsetý kezindegi jańa medıtsınalyq tehnologııalar jaıy talqylandy
ATYRAÝ. 3 qarasha. QazAqparat - Atyraýda «Bastapqy býyndy uıymdastyrýda medıtsınalyq kómek sapasyn úzbeı arttyrý» atty konferentsııa ótti, ondaǵy áńgime arqaýy emhanalar men aýyldyq dárigerler ambýlatorııasy týraly boldy.
Kezdesý barysynda naýqastarǵa kómek kórsetý kezinde sapany úzbeı arttyrý boıynsha jańa tehnologııalardyń engizilýi talqylandy. Mysaldar retinde konferentsııa qatysýshylaryna Qazaqstannyń alty oblysyndaǵy arterııa gıpertonııasy men týberkýlezdiń dıagnostıkasy jáne emdelý tájirıbesi ilki jobalary týraly aıtyp berdi.
Konferentsııaǵa Atyraý, Almaty, Aqmola, Qaraǵandy, Shyǵys Qazaqstan oblystary boıynsha aýyldyq jáne qalalyq uıymdardyń dárigerleri men medıtsınalyq qyzmetkerleri, halyqaralyq mamandar qatysty.
Konferentsııany «Teńizshevroıl» kompanııasynyń qoldaýymen Qazaqstandaǵy otbasylyq dárigerler qaýymdastyǵy men Atyraý oblystyq densaýlyq saqtaý departamenti uıymdastyrdy.
