Atyraýda nárestelerge Ibrahım, Aısha esimderi kóp beriledi
ATYRAÝ. QazAqparat –Atyraý qalasynyń turǵyndary dúnıege kelgen sábıine Ibrahım, Aısha esimderin kóp tańdaıdy, dep habarlaıdy QazAqparat.
Atyraý qalalyq jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń málimetinshe, bıylǵy jyl basynan beri 10 014 bala dúnıege kelgen.
«Ata-analar ulyna elimizge keńinen tanymal tulǵalardyń esimin berýdi qalaıdy. Máselen, 164 otbasyn kishkentaı Ibrahımder qýanyshqa bóledi. Al, Álıhan esimi 136 ulǵa berilgen. Nurıslam esimi de tanymal bolyp otyr. Qazir osyndaı esimdi alǵan 128 ul bar. Sondaı-aq, 119 Ahmad esimi rásimdeldi», - dep habarlady qalalyq bólimniń mamandary.
Qyzdarǵa qoıylǵan esimderdiń kóshbasynda Aısha tur. Búginde áli 1 jasqa tolmaǵan 226 Aısha men 225 Raıana ata-analaryn bal qylyǵymen qýantyp otyr. Sonymen birge, 221 Aılın men 195 Medına da ósip keledi.
