Atyraýda myrysh tsehy iske qosylady
ATYRAÝ. QazAqparat –Bıyl Atyraý oblysynda ystyqtaı myryshtaý tsehy iske qosylǵaly otyr, dep habarlaıdy QazAqparat tilshisi.
Atyraý oblysyndaǵy «Caspian Contractors Trust Atyrau» JShS-niń zaýytynda ǵımarattar men estakadalar, kópirler, fermalar, tirekter men modýlder, kólemi 20000 tekshe metrge deıingi rezervýarlar, ydystar, reaktorlar, shyraqty júıeler, munaralar, kótergish jabdyqtar, sonymen birge kez kelgen kúrdeli qubyrly bekitkish jobalanady.
Bulardyń bárin seriktestik mamandary 80 myń sharshy metr aýmaqta ornalasqan óndiristik bazada daıyndaıdy.
Byltyr seriktestiktiń óndiris kólemi 8 mlrd teńgeni qurady. «Saspian Contractors Trust Atyrau» JShS bas dırektory Nurken Esqalıevtyń aıtýynsha, kásiporynnyń óndiristik bazasynda jylyna 24 myń tonna metall konstrýktsııalaryn shyǵarýǵa bolady.
«Biz 2016 jyly rekonstrýktsııalaýdyń birinshi kezeńin aıaqtadyq. Sonyń arqasynda zaýyttyń ónimdiligi 10 esege artty. Qazirgi ýaqytta kásiporynda 450 adam jumys isteıdi. Bizdiń tapsyrys berýshilerimiz – Qashaǵan, Teńiz, Qarashyǵanaq ken orny sekildi óńirde jumys isteıtin iri operatorlar. Bul jobalardaǵy kompanııalardyń barlyǵy – bizdiń ónimimizdiń tutynýshylary. Bıyl biz ystyqtaı myryshtaý tsehyn iske qosýdy josparlap otyrmyz. Sondaı-aq jetkizýshiler naryǵyndaǵy metall qurylymdary men tehnologııalyq jabdyqtardyń keshendi jetkizýshisi retindegi pozıtsııamyzdy kúsheıtýdi kózdeımiz» - deıdi Núrken Esqalıev.
