Atyraýda «Munaıshy» stadıony aldaǵy matchqa jaramsyz dep tanyldy
ATYRAÝ. KAZINFORM - Atyraýda «Munaıshy» stadıonynyń tósemi oıyn oınaýǵa jaramsyz dep tanyldy. Bul týraly QazAqparat «Atyraý» fýtbol klýbynyń baspasóz qyzmetine silteme jasap habarlaıdy.
«Munaıshy» stadıonynda Qazaqstan chempıonaty barysynda «Atyraý» men «Astana» kezdesýi boıynsha match aldyndaǵy jattyǵý ótkizildi. Ókinishke qaraı, ftýbolshylarymyz ben bapkerlerimiz standıondaǵy tósemniń sapasy óte tómen ekendigin atap ótti. Alań jabyndysynyń sapasy týraly «Astana» da osyndaı pikirde. «Atyraý» men «Astana» mamandary qazirgi kúıdegi alań oıynshylarǵa zalal keltirip, densaýlyqtaryna áser etýi múmkin degen pikirdi ustanady.
Aıta keterligi, «Munaıshy» stadıonynyń ákimshiligi men «Atyraý» fýtbol klýby basty arenany elordalyq klýbpen ótetin matchqa ázirleýge barynsha kúsh jumsady. Alaıda ókinishke qaraı qazirgi ýaqytta bul jetkiliksiz ekeni belgili boldy», - dep málimdedi «Atyraý» FK baspasóz qyzmeti.
Klýb kezdesýdi qosalqy alań - jasandy tósemi bar «Tomarly» stadıonynda ótkizý jóninde sheshim qabyldady.
«Barlyq atyraýlyq fýtbol jankúıerlerinen keshirim ótine otyryp qazirgi jaǵdaıǵa túsinistikpen qaraýyn suraımyz», - delingen baspasóz habarlamasynda.
Avtor: A.Sokolov
