Atyraýda munaıqubyrshylardyń «Úzdik maman - 2019» halyqaralyq baıqaýy jalǵasýda
Saıysqa qatysýshylardyń sany jyldan-jylǵa artyp keledi. Sondaı-aq bıylǵy qatysýshylardyń jetpis paıyzy – jastar.
«Baıqaýdy uıymdastyrý biz úshin úlken mártebe. Jeńisten de úmitimiz zor. Degenmen, konkýrstyq komıssııa músheleri barlyq qatysýshyǵa teń qaraıdy. Óz isiniń naǵyz sheberleri jeńiske jetýi kerek», - deıdi «QazTransOıl» AQ bas dırektorynyń orynbasary Oral Idyrysov.
Jarysta Qazaqstannyń namysyn qorǵaý úshin «QazTransOıl» kompanııasynyń segiz kásibı mamany iriktelgen. Olar:
Aıman Sısekenova – «Úzdik hımııalyq saraptaý zerthanashysy» nomınatsııasy boıynsha – Qulsary munaı qubyry basqarmasynyń «Prorva» Munaı aıdaý stansasynyń hımııalyq saraptaý zerthanashysy;
Úser Dáribaı - «Úzdik taýar operatory» nomınatsııasy boıynsha - Atyraý munaı qubyry basqarmasynyń T. Qasymov atyndaǵy munaı aıdaý stansasynyń taýar operatory;
Anton Artıýshenko - «Úzdik munaı aıdaý stansasynyń operatory» nomınatsııasy boıynsha – Pavlodar munaı qubyry basqarmasy «Ekibastuz» munaı aıdaý stansasynyń operatory;
Rústembek Jylkeldıev - «Úzdik jelilik munaıqubyrshy» nomınatsııasy boıynsha – Qulsary munaı qubyry basqarmasynyń apatty qalpyna keltirý pýnktiniń jelilik munaıqubyrshysy;
Rashıd Baqtyǵalıev - «Úzdik elektrgazdánekerleýshisi» nomınatsııasy boıynsha - Atyraý munaı qubyry basqarmasynyń óndiristik qyzmet kórsetý bazasynyń elektrgazdánekerleýshisi;
Anton Polzıakov - «Úzdik elektr jabdyqtaryn jóndeý jáne qyzmet kórsetý elektromonteri» nomınatsııasy boıynsha - Atyraý munaı qubyry basqarmasy releli qorǵanysh apparatýrasy jáne avtomatıkany jóndeý jónindegi elektrmonteri;
Nurmuhanbetálı Luqpanov - «Úzdik tehnologııalyq qurylǵylardy jóndeý slesari» nomınatsııasy boıynsha – Mańǵystaý munaı qubyry basqarmasynyń óndiristik qyzmet kórsetý bazasynyń tehnologııalyq qurylǵylardy jóndeý slesari;
Aıdar Amanǵalıev - «Úzdik baqylaý-ólsheý quraldary jáne jáne avtomatıka slesari» nomınatsııasy boıynsha – Atyraý munaı qubyry basqarmasy, avtomattandyrylǵan basqarý júıesi telimniń baqylaý-ólsheý quraldary jáne jáne avtomatıka slesari.
Atyraýlyq Aıdar Amanǵalıev bul báıgede ozyq shabatynyna senimdi. Buǵan sebep – aldyn ala yjdaǵattylyqpen daıyndalý. «Jalpy, bizdiń mamandyǵymyz qyzyqqa toly. Onda júıelerdiń san túri bar. Qıyndyǵy da joq emes, ásirese, elektr jelilerin júıege keltirý kúrdeli jumystardyń biri. Bizge qyzmet barysynda týyndaıtyn jaǵdaılarǵa baılanysty tapsyrmalar da beriledi, sondyqtan, olardy oryndaý qıynǵa soqpaıdy», - dedi qatysýshy.
