Atyraýda munaı urlady degen kúdikpen UQT-nyń 14 múshesi ustaldy

ATYRAÝ. QazAqparat - Atyraýda munaı urlady degen kúdikpen uıymdasqan qylmystyq toptyń (UQT) 14 múshesi ustaldy. Olar oblystaǵy munaı kenishinen uzaq ýaqyttan beri munaı urlap kelgen degen kúdikke ilindi, dep habarlaıdy QazAqparattyń óńirdegi tilshisi.

«14-15 sáýir kúnderi júrgizilgen operatsııa kezinde jalǵan qujatpen rásimdelgen 100 tonna munaıdy QR shekarasynan asyrmaq bolǵan  6 júk kóligi ustaldy. UQD QR QK 188-baby (Urlyq), 196-baby (Kórineý qylmystyq jolmen tabylǵan múlikti ıemdený nemese ótkizý), 197-baby (Munaıdyń jáne munaı ónimderiniń shyǵarylý zańdylyǵyn rastaıtyn qujattarsyz olardy tasymaldaý, ıemdený, ótkizý, saqtaý, sondaı-aq munaıdy qaıta óńdeý) jáne 264-baby (Transulttyq uıymdasqan top, transulttyq qylmystyq uıym qurý jáne olarǵa basshylyq etý, sol sııaqty olarǵa qatysý) boıynsha sotqa deıgi tergeýdi bastady», - dep habarlaıdy Atyraý oblysy prokýratýrasynyń baspasóz qyzmeti.

Málim bolǵandaı, 14 kúdikti - QR jáne RF azamattary.