Atyraýda munaı salasy mamandaryn daıarlaıtyn TMD-daǵy úshinshi ortalyq ashyldy
S. Ótebaev atyndaǵy Atyraý munaı jáne gaz ýnıversıtetiniń janynan ashylǵan úsh qabatty oqý ortalyǵy zamanaýı aqparattyq resýrstarmen qamtylǵan jáne munaı-gaz salasynda stýdentterdi tájirıbeden ótkizýge baǵyttalǵan.
Ashylý saltanatynda dástúrli qyzyl lentany memleket qaıratkeri Nurlan Balǵymbaevtyń jubaıy Naǵıma Balǵymbaeva, Atyraý oblysynyń ákimi Nurlan Noǵaev, KAZENERGY qaýymdastyǵy tóraǵasynyń orynbasary Uzaqbaı Qarabalın, QR Energetıka mınıstriniń birinshi orynbasary Mahambet Dosmuhambetov qıdy.
«Biz bıyl Qazaqstan munaıynyń 120 jyldyǵyn atap óttik. Bul – munaıshylardyń orasan eńbegi. Táýelsizdik alǵannan keıin Qazaqstan ekonomıka salasyn jedel damyta bastady. Osy qıyn-qystaý kezeńde azamattarymyzdyń bastan ótkergenderiniń alǵashqysy - aıqyn perspektıvalardyń joqtyǵy, ekonomıka men saıası júıeniń kúıreýi edi. Elge ınvestıtsııalar, jańa tehnologııalar tartý qajet boldy. Qazaqstannyń Tuńǵysh Prezıdenti-Elbasy Nursultan Nazarbaevtyń ynta-jigeriniń arqasynda álemdegi eń qarqyndy damyp kele jatqan ekonomıkalardyń biri mártebesine kóterildi. Munaı-gaz salasyndaǵy elge kelgen alǵashqy kompanııalardyń biri - osy kúnge deıin álemdegi eń iri Teńiz ken oryndarynyń birin ıgerip kele jatqan «Shevron» kompanııasy. Sol jyldary Elbasynyń janynda senimdi kómekshileri boldy. Sonyń biri – Balǵymbaev Nurlan Ótepuly. Onyń bilimi, biliktiligi, iskerligi ınvestorlardy munaı-gaz salasynyń kemel bolashaǵyna sendire aldy», - dedi Nurlan Noǵaev.
Memlekettik basqarý jáne ekonomıka salasynda iri tulǵa retinde qalyptasqan Nurlan Balǵymbaev - óziniń barlyq bilimi men tájirıbesin eldiń órkendeýine arnaǵan. Eńbek jolyn munaı salasyndaǵy qarapaıym jumysshy retinde bastap, biliktiligi men joǵary uıymdastyrýshylyq qabiletterin únemi jetildirýdiń arqasynda mansabynda aıtarlyqtaı bıikterge jetti. Ol QR Premer-Mınıstri laýazymynda da asqan jaýapkershilikpen qyzmet atqardy. S.Ótebaev atyndaǵy Atyraý ýnıversıtetiniń dırektorlar keńesiniń tóraǵasy, KAZENERGY qaýymdastyǵy tóraǵasynyń orynbasary Uzaqbaı Qarabalın Nurlan Balǵymbaevtyń munaı-gaz salasyn damytýǵa qosqan úlesi týraly aıta kele: «Ol ómirinde qıyn kezeńderdi bastan keshirdi. Soǵan qaramastan, óziniń eńbekterimen jáne bilimimen táýelsiz Qazaqstannyń damýyna úlken úles qosty. Onyń esimi árdaıym júregimizde saqtalatyn bolady. Búgingi is-shara, Munaı jáne gaz ýnıversıtetinde kommýnıkatsııalyq ortalyqtyń ashylýy - sonyń aıqyn dáleli. Bul zamanaýı oqý ortalyǵy qazirgi jas urpaqtarǵa qajetti kásibı bilim alýǵa jáne elimizdiń ıgiligi úshin jumys isteýge múmkindik beredi», - dedi.
Nurlan Balǵymbaev atyndaǵy Damý jáne kommýnıkatsııalar ortalyǵynda stýdentterge arnalǵan ınteraktıvti kitaphana jáne oqý zaly bar. Interaktıvti kitaphanany paıdalanýshylar Gýbkın atyndaǵy Reseı munaı jáne gaz ýnıversıtetiniń elektrondy resýrstaryna qol jetkize alady. Sonymen qatar, Atyraý ýnıversıtetiniń stýdentteri sý astyndaǵy qubyrlardy dánekerleý úshin vırtýaldy rejimde tájirıbeden óte alady. Budan buryn Qashaǵan jobasynda sý astyndaǵy qubyrlardy dánekerleýdi sheteldik mamandar júzege asyrsa, endigide ortalyq - atalǵan mamandyqty atyraýlyq jastarǵa úıretetin bolady. Joba avtorlary atap ótkendeı, mundaı ortalyqtar TMD elderinde tek Gýbkın atyndaǵy Reseı memlekettik munaı jáne gaz ýnıversıteti men «Innopolıs» ýnıversıtetinde ornalasqan. Biraq, Atyraýdaǵy ortalyq zamanaýı tehnologııalarmen jabdyqtalý turǵysynan áldeqaıda basym túsedi.
