Atyraýda munaı óńdeýshiler 5 gektarǵa 2 500 kóshet otyrǵyzady
ATYRAÝ. QazAqparat – Atyraýda munaı óńdeýshiler 5 gektarǵa 2 500 kóshet otyrǵyzady, dep habarlaıdy QazAqparat.
Atyraý munaı óńdeý zaýyty oblys ákimdigimen arada jasalǵan Atyraý qalasynyń aýmaǵyn kógaldandyrý jónindegi memorandým aıasynda kóshetter otyrǵyzýdy bastady. Bul úshin Atyraý qalasyna irgeles Peretaska kentinen 5 gektar jer telimi bólingen.
«Kógaldandyrý aldynda bólingen aýmaq qoqystan tazartylyp, ıesiz qalǵan qurylystar bólshekteldi. Zaýyt qyzmetkerleri jergilikti sortań topyraqta ósýge beıim qaraǵash, terek pen shaǵannyń 2 500 kóshetin tańdady. Kúzgi kezeńde kóshetterdi sýarý arnaıy sý tasıtyn tehnıkamen júrgiziledi. Al, kelesi jyly ázirlengen jobalaý-smetalyq qujattamaǵa sáıkes sýarý júıesi bar sorǵy stantsııasyn salý josparlanýda. Qazir zaýytta aýdany 224 ga kógaldandyrylǵan jáne abattandyrylǵan sanıtarlyq-qorǵaý aımaǵy bar. Osy aýmaqta 126 270 kóshet pen buta egiledi. Bǵan qosa jyl saıyn 11 753 dana kóshet egilip, kútim jasalady» -dep habarlady kásiporynnyń qoǵammen baılanys bólimi.
Eske sala ketelik, budan buryn Atyraý oblysynda orman qoryn molaıtýdyń keshendi jospary bekitilgenin habarlaǵan bolatynbyz.
