Atyraýda múmkindigi shekteýli oqýshylar arnaýly synypta bilim alady
ATYRAÝ. QazAqparat – Atyraý oblysynda múmkindigi shekteýli 581 oqýshy arnaýly synypta bilim alady, dep habarlaıdy QazAqparat.
Oblystyq bilim basqarmasy baspasóz qyzmetiniń málimetine súıensek, 32 mektepte erekshe kútimdi qajet etetin balalar úshin 108 arnaýly synyp ashylǵan. Bul synyptarda múmkindigi shekteýli 581 oqýshy bilim alady. Al, Qyzylqoǵa aýdanynda osyndaı 62 oqýshy bar.
«Mııaly aýylynda ornalasqan H.Dosmuhameduly atyndaǵy orta mektepte 21 oqýshy ınklıýzıvti bilim alady. Onyń altaýy úıinde bilim alsa, beseýi psıhıkalyq damýynda tejelýi bar balalarǵa arnalǵan (PDT) synypta, qalǵany qatarlastarymen birge oqıdy», - deıdi mektep dırektory Gúlshara Sary.
Onyń aıtýynsha, mektepte fızıka, ınformatıka, hımııa, bıologııa pánderi úsh tilde oqytylady. Al, 8-11-synyptarǵa atalǵan pánder úıirme, fakýltatıv sabaqtar esebinen engizilip otyr.
«Múmkindigi shekteýli oqýshylar arnaıy jeńildetilgen baǵdarlama negizinde bilim alady. Mektep psıhologtary oqýshylardy korrektsııalyq jumystar arqyly tárbıeleıdi. ıAǵnı, balanyń oılaý qabiletin damytatyn motorıkalyq oıyndarǵa qatysyp, jattyǵýlar jasaıdy», - deıdi mekteptiń pedagog-psıhology Barshagúl Sarsenǵalıeva.
Eske sala ketelik, buǵan deıin Atyraýda balalardy ońaltý ortalyǵy ashylǵan bolatyn.
