Atyraýda múmkindigi shekteýli balany urǵan qyzmetker jumystan qýyldy
NUR-SULTAN. QazAqparat – Atyraýda qalasynda múmkindigi shekteýli balalarǵa arnalǵan ortalyqtyń tárbıelenýshisin urǵan qyzmetker jumystan shyǵarylyp, ortalyq basshysy qyzmetten shettetildi. Bul týraly Atyraý oblysy ákiminiń orynbasary Baqytkúl Hamenova málim etti, dep habarlaıdy QazAqparat tilshisi.
QR Prezıdenti janyndaǵy Ortalyq kommýnkatsııalar qyzmetinde ótken baspasóz máslıhatynda tilshi Atyraý oblysy ákiminiń orynbasary Baqytkúl Hamenovaǵa «Osydan 1 aı buryn Atyraý qalasyndaǵy múmkindigi shekteýli balalarǵa arnalǵan ortalyqta tárbıelenýshilerdi urǵan degen qyzmetkerdiń máselesi nemen aıaqtaldy?», -degen saýalyn joldady.
«Ókinishke qaraı, atalǵan jaǵdaıdyń oryn alǵany ras. Degenmen búginde oblysta bala jaǵdaıy onyń ishinde erekshe balalardyń jaǵdaıy basty nazarda ekenin eske salǵym keledi. Oryn alǵan jaıtqa kelsek, búginde is qaralyp, kináliler anyqtaldy. Prokýratýra qyzmetkerleriniń tekserisinen soń, ortalyqtyń 2 qyzmetkeri jumystan bosatyldy. Jáne mekeme basshysy da jumystan shettetildi. Biraqta atalǵan is boıynsha beınejazbanyń rastyǵyn polıtsııa qyzmetkerleri áli de bolsa tekserip jatyr», - dedi B. Hamenova óz jaýabynda.
Aıta ketsek, búgin Atyraý oblysyndaǵy jalpy epıdahýal jaǵdaı baıandaldy.
B. Hamenovanyń málimdeýinshe, qazirgi tańda atyraýlyqtardyń 86 paıyzy vaktsınanyń birinshi komponentin alǵan.
Odan bólek , oblystyń shalǵaı aýyl turǵyndary vaktsına beketterine poıyzben tegin jetkizilip jatqandyǵy aıtyldy.
