Atyraýda múgedekter men júrgizýshilerden para alǵandar sottalyp jatyr

ATYRAÝ. QazAqparat - Atyraý oblysy boıynsha eńbek, áleýmettik qorǵaý jáne kóshi-qon komıtetiniń departamenti basshysyna jáne osy vedomstvanyń bólim basshysyna qatysty qylmystyq is tergelýde, dep habarlaıdy Qazaqparat.

Sybaılas jemqorlyqqa qarsy is-qımyl agenttiginiń aımaqtaǵy departamentiniń habarlaýynsha, olar júıeli túrde múmkindigi shekteýli jandardan múgedektikti kedergisiz uzartý úshin 30-70 myń teńge aralyǵynda para alǵan.

«Sonymen qatar, Atyraý oblystyq kólik baqylaý ınspektsııasynyń laýazymdy tulǵalaryna qatysty tergeý amaldary júrgizilip jatyr. Olar júk tasymalymen aınalysatyn tulǵalardan respýblıkalyq mańyzy bar joldarda kedergisiz júrý, ákimshilik jaýapkershilikke tartpaý jáne jalpy qamqorshylyqqa alý úshin barlyǵy 10 mln tengeden joǵary sommada birneshe ret para alǵan. Tergeý sotynyń sanktsııasymen kúdiktiler úı qamaqqa alyndy», - delingen vedomstvonyń habarlamasynda.

Antıkor atalǵan isterge qatysty ózge aqparat jarııalanýǵa jatpaıtynyn da málimdegen.