Atyraýda monıtorıng toptary 250-den astam nysandy tekserdi

ATYRAÝ. QazAqparat – Atyraýda monıtorıng toptary 250-den astam nysanǵa tekserý júrgizdi, dep habarlaıdy QazAqparat.

Atyraý qalalyq ákimdigi baspasóz qyzmetiniń málimetinshe, monıtorıng toptary karantın shekteý sharalarynyń saqtalýyn tekserý jumysyn kúsheıtti.

«Qazir Atyraý qalasynda karantındik shekteý sharalarynyń saqtalýyna tekserý júrgizetin 12 monıtorıng toby bar. Bul toptar 15 jeltoqsannan beri kásipkerlik nysandarǵa 256 tekserý júrgizdi. Tekserý nátıjesinde 7 nysanda karantındik shekteý sharasynyń talaby buzylǵany anyqtaldy. Osyǵan baılanysty jınaqtalǵan materıaldar ákimshilik is qozǵaý úshin oblystyq sanıtarlyq-epıdemıologııalyq baqylaý departamentine joldandy», -dep habarlady ákimdiktiń baspasóz qyzmeti.

Eske sala ketelik, buǵan deıin Atyraý oblysynda kópshilik is-sharalardy ótkizýge tyıym salynǵanyn habarlaǵan edik.