Atyraýda modýldik aýrýhanada jatqan júkti áıel egiz ul tapty
ATYRAÝ. QazAqparat – Atyraýda modýldik aýrýhanada jatqan júkti áıel egiz ul tapty, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmeti usynǵan aqparatqa súıensek, sońǵy 10 kúnde modýldik aýrýhanada kesar tiligi arqyly 5 sábı jaryq dúnıe esigin ashqan. Endi búgin, 21 sáýirde atalǵan aýrýhanada egiz ul dúnıege kelgen.
«Jańa týǵan egiz uldyń salmaǵy – 3 keli 240 gr jáne 3 keli 450 gr. Nárestelerdiń jaǵdaıy qalypty, olardan koronavırýs ınfektsııasyna qarsy alynǵan PTR-test zertteýi teris nátıje kórsetti. Vırýstyq pnevmonııamen aýyrǵan áıel egiz ulyn kesar tiligi arqyly bosandy. Qazir ol hattamaǵa sáıkes em alyp jatyr», - dep málim etti basqarmanyń baspasóz qyzmetinen.
Egizdiń anasy uldaryn Mereı jáne Nurlan dep atady.
«Mereı – kesar tiligimen ota jasaǵan hırýrg. Al, Nurlan – júktilik jáne bosaný kezinde medıtsınalyq kómek kórsetken akýsher-gınekolog», - dep habarlady basqarmanyń baspasóz qyzmeti.
Eske sala ketelik, buǵan deıin Atyraýda modýldik aýrýhanada dúnıege kelgen úsh sábıden koronavırýs anyqtalmaǵanyn habarlaǵan bolatynbyz.
