Atyraýda modýldik aýrýhanada dúnıege kelgen úsh sábıden koronavırýs anyqtalmady
ATYRAÝ. QazAqparat – Atyraýda modýldik aýrýhanada dúnıege kelgen úsh náresteden koronavırýs ınfektsııasy anyqtalmady, dep habarlaıdy QazAqparat.
Atyraý oblystyq densaýlyq saqtaý basqarmasynyń baspasóz qyzmeti taratqan aqparatqa súıensek, buǵan deıin, 18 naýryz ben 20 sáýir aralyǵynda modýldik aýrýhanada 8 sábı dúnıege kelgen. Budan keıin, 8-19 sáýir aralyǵynda modýldik aýrýhanada kesar tiligi arqyly taǵy úsh náreste jaryq dúnıe esigin ashqan.
«Nárestelerden koronavırýs ınfektsııasy anyqtalǵan joq. Qazir náresteler oblystyq perınataldyq ortalyǵyna aýystyrylyp, neonatologtardyń baqylaýyna alyndy. Eki uldyń salmaǵy – 2,5 keli jáne 2,9 keli. Al, qyz 3 keli 380 gramm salmaqpen dúnıege keldi. Bosanǵan áıelderdiń birine eki jaqty polısegmentaldy pnevmonııa dıagnozy qoıylǵan. Qazir ol hattamaǵa sáıkes em alýda. Eki jas ananyń densaýlyǵyna tónip turǵan qaýip joq», - dep habarlady basqarmanyń baspasóz qyzmetinen.
Eske sala ketelik, Atyraýda koronavırýs ınfektsııasyna shaldyqqan naýqastardyń jaǵdaıyn Call ortalyqtan bilýge bolady.
