Atyraýda modýldi aýrýhanaǵa koronavırýs juqtyrǵan naýqastarǵa toldy
ATYRAÝ. QazAqparat – Atyraýda 200 patsıentke arnalǵan modýldi ınfektsııalyq aýrýhana vırýs juqtyrǵan naýqastarǵa tolyǵymen toldy. Búgin №2 oblystyq aýrýhananyń ınfektsııalyq statsıonary koronavırýsqa shaldyqqan naýqastardy qabyldaýdy qaıta jalǵastyrdy, dep habarlaıdy QazAqparat tilshisi Atyraý oblysy Densaýlyq saqtaý basqarmasynyń baspasóz qyzmetine silteme jasap.
«8 sáýirde tańerteń 200 orynǵa eseptelgen modýldi ınfektsııalyq aýrýhanada 190 naýqas jatty. Túske qaraı tolyǵymen patsıentke toly boldy. Búgingi kúnde onda 17 adam reanımatsııa bólimshesinde jatyr, olardyń altaýy ÓJJ (IVL) apparatyna qosylǵan. Olardyń jaǵdaıy óte aýyr. Qalǵan naýqastardyń jaǵdaıy ortasha aýyr»,- dep habarlady oblystyń densaýlyq saqtaý basqarmasynyń baspasóz qyzmeti.
№2 oblystyq aýrýhananyń bas dárigeri Maǵjan Seıitjanovtyń aıtýynsha, ınfektsııalyq statsıonarǵa 11 patsıent jatqyzylǵan. Aýrýhana 180 orynǵa eseptelgen, onyń 120-sy koronavırýs ınfektsııasyna shaldyqqan naýqastarǵa daıyndalǵan.
«Qalǵan 60 oryn túrli juqpaly aýrýlar juqtyrǵan naýqastarǵa arnalǵan. Jaqyn arada aýrýhana tolyǵymen koronavırýsqa shaldyqqandarǵa ınfektsııalyq statsıonar rejıminde jumys isteýi úshin biz osy patsıentterdi basqa medıtsıtsnalyq mekemelerge aýystyrýdy josparlap otyrmyz», - dedi Maǵjan Seıitjanov.
Avtor: Vıktor Sýtıagın
