Atyraýda modýldi aýrýhanada shý shyǵarǵan naýqas úıine jiberildi
Oblystyq densaýlyq saqtaý basqarmasy baspasóz qyzmetiniń málimetinshe, emdelýshi ózin aýrýhanada kúshtep ustap otyrǵany týraly vıdeo jarııalaǵan.
«Onyń anasy aýrýhana ishine basyp kirip, dárigerlerdiń jumysyna kedergi keltirdi. Ózge emdelýshilerdiń mazasyn alyp, shý shyǵardy. Aýrýhana dárigerleri oǵan emdik sharalar qabyldanyp jatqanyn aıtsa da qulaq aspaǵan. Sondaı-aq, emdelýshi QR Bas memlekettik sanıtarııalyq dárigeriniń buıryǵyn buzyp, aýrýhana ishin vıdeoǵa túsirgen. Osyǵan baılanysty №2 oblystyq aýrýhanasynyń ákimshiligi jalǵan aqparat taratyp, ony jarııa etkeni úshin isti sotqa berýge daıyn», - dep málim etti №2 oblystyq aýrýhananyń ákimshiligi.
Aýrýhanaǵa túskende emdelýshide koronavırýs ınfektsııasynyń belgisi anyqtalǵan. Sondaı-aq, ekijaqty pnevmonııa dıagnozy qoıylǵan.
«Anasy men kúıeýi ekijaqty zańdy kýágerlerdiń qatysýymen qolhat jazyp, emdelýshi úıine jiberildi. Endi Mahambet aýdany turǵynyń densaýlyǵy ýchastelik dárigerlerdiń baqylaýynda bolady», - dep habarlady aýrýhananyń ákimshiligi.
Eske sala ketelik, budan buryn Atyraýda dárigerlerge dórekilik kórsetken sheteldik azamat jazalanýy múmkin ekenin habarlaǵan bolatynbyz.
