Atyraýda meıramhanada ótip jatqan úılený toıy tarqatyldy
Oblystyq polıtsııa departamenti baspasóz qyzmetiniń málimetinshe, karantındik shekteý sharalaryn elemeı, toı ótkizgender áli de toqtamaı tur.
«Máselen, Isataı aýdanynda 7 mobıldi top músheleri ár túrli is-shara, toı túrindegi basqosý ótkizgen 15 derekti tirkedi. Naqtysyn aıtqanda, «Loto klýb» keńsesi men 14 turǵyn úıinde toı-dýman ótkizgen. Al, Qyzylqoǵa aýdanynda 6 is-shara men 4 toı ótkeni anyqtaldy. Atyraý qalasyna taıaý ornalasqan Damby aýyldyq okrýginde 1 tamyzda saǵat 19:00 shamasynda «Adına» meıramhanasynda ótip jatqan úılený toıy tarqatyldy» -dep habarlady departamenttiń baspasóz qyzmeti.
Karantın shekteý kezinde túrli is-sharalar men toı ótkizgenderge qatysty QR Ákimshilik quqyqbuzýshylyq týraly Kodeksiniń 425-babymen ákimshilik hattama toltyryldy.
Eske sala ketelik, budan buryn Atyraý oblysynda jyl basynan beri karantın talaby 620 márte buzylǵanyn jazǵan edik.
