Atyraýda meıramhana órtendi
ATYRAÝ. QazAqparat – Atyraý qalasynda meıramhana órtendi, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetinshe, búgin, 13 mamyrda saǵat 14:42-de «Aspava» meıramhanasynan órt shyqty.
«Órt sóndirýshiler oqıǵa ornyna barǵanda meıramhananyń shamamen 450 sharshy metrdi quraıtyn mansard bóligi janyp jatty. Jalyndy sóndirýge arnaıy jasaqtyń 45 qyzmetkeri men 9 arnaıy tehnıka jumyldyryldy», - dep habarlady baspasóz qyzmetinen.
Belgili bolǵandaı, meıramhananyń 20 qyzmetkeri óz betimen qaýipsiz jerge shyǵyp úlgergen.
