Atyraýda meıramhana men dámhanalardyń jumysy shekteldi
ATYRAÝ. QazAqparat – Atyraýda karantın sharalarynyń qaıtadan kúsheıtilýine baılanysty meıramhana-dámhanalardyń jumysy shekteldi, dep habarlaıdy QazAqparat.
Atyraý oblysynyń bas memlekettik sanıtarlyq dárigeri Amantaı Jumaǵalıevtyń qaýlysyna sáıkes, azyq-túlik jáne azyq-túlik emes bazarlar saǵat 10.00-den 17.00-ge deıin jumys isteıtin boldy.
Al, gıpermarketter, sýpermarketter jáne basqa da azyq-túlik dúkenderi jumysyn saǵat 09.00-den 21.00-ge deıin (azyq-túlikterdi satý kókónis pen jemisterdi qospaǵanda, tek ólshep salynǵan túrde júzege asyrylady) jalǵastyrady.
«Qoǵamdyq tamaqtaný nysandary (meıramhanalar/barlar/kafeler/ashanalar jáne basqalar) juys istedi, biraq kelýshiler sany bir ýaqytta 30 adamnan aspaýy kerek. Ústelder arasyndaǵy qashyqtyq 2 metrden kem emes deńgeıde saqtalý tıis, bir ústelge 4-ten artyq adam otyrǵyzylmaıdy. Jumysy saǵat 10.00-den 21.00-ge deıin» delingen habarlamada.
Eske sala ketelik, buǵan deıin Atyraýda karantındik shekteý qaıta kúsheıtildi.
