Atyraýda meıramhana klıentterge zańsyz aýlanǵan bekireden taǵam daıyndap kelgen

ASTANA. QazAqparat – Atyraýda oblysynda brakonerlikpen aınalysyp bekire aýlap kelgen kásipker jazaǵa tartyldy. Bul týraly ákimshilik polıtsııa komıteti tabıǵat qorǵaý polıtsııasy tobynyń erekshe tapsyrmalar jónindegi aǵa ınspektory Álisher Jarmaǵambetov málim etti, dep habarlaıdy QazAqparat tilshisi.

«Bıyl zańsyz balyq aýlaýdyń aldynda alý maqsatynda ótken aktsııa barysynda Atyraý oblysynda meıramhana ıesi bekire tuqymdas balyqtardy klıentterge usynyp kelgeni anyqtaldy. Kásipker qylmystyq jaýapkershilikke tartyldy. Bizdiń jedel is júrgizý bólimshesiniń mamandary osy sekildi aqparat kelip túsken jaǵdaıda shuǵyl operatsııalarǵa qatysady. Tıisinshe aıypty qoldanystaǵy zań aıasynda jaýapkershilikke tartylady», - dedi Álisher Jarmaǵambetov ortalyq kommýnıkatsııalar qyzmeti alańynda ótken baspasóz máslıhatynda.

Buǵan deıin habarlaǵanymyzdaı, elimizde zańsyz balyq aýlaıtyn brakonerlerdiń 80 paıyzǵa jýyǵy jumyssyzdar bolyp shyqty.

Aıta ketsek, jyl basynan beri Atyraý, BQO jáne Mańǵystaý oblysynda júrgizilgen reıdte 70 qylmystyq quqyqbuzýshylyq tirkelgen.