Atyraýda meıramhana ıeleri toı ótkizýge taǵy da ruqsat surady
Meıramhana ıeleri Atyraý oblysynyń kásipkerleri men jumys berýshiler odaǵyna
osyndaı ótinishpen júgindi. Kásipkerlerdiń aıtýynsha, meıramhanany basqa bıznes-
nysanǵa aınaldyrýǵa qarjy jetpeıdi.
«Biz aı saıyn kommýnaldyq tólemderdi, toqsan saıyn salyqtardy tólep otyrmyz.
Kóbimiz bıznes ashý úshin nesıe aldyq. Qazir bizdiń qyzmetkerlerimiz jumyssyz otyr.
Ózimiz de shyǵynǵa battyq. Barlyq sanıtarlyq norma men erejeni saqtaı otyryp, jumys
isteýge ruqsat berýińizdi suraımyz. Meıramhanalarda 120-150 adamǵa arnalǵan banketter ótkizýge ruqsat etilse de, biz tabys taba alar edik», - deıdi meıramhana ıesi Saltanat Bekbolova.
Atyraý oblysynyń kásipkerleri men jumys berýshiler odaǵynda ótken jıynda jumys
tobyn qurý týraly sheshim qabyldandy. Jumys tobyna banket zaldarynyń ıeleri, kásipkerler men jumys berýshiler odaǵynyń, jergilikti atqarýshy organdardyń mamandary kirdi. Olardyń qatysýymen Prezıdenttiń, Úkimet janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń, QR Bas sanıtarlyq dárigeriniń atyna 150 adamǵa deıin toltyrylatyn banket zaldarynyń jumysyna ruqsat berý týraly ótinish jasaldy.
Eske sala ketsek, budan buryn Atyraý oblysynyń kásipkerleri toı ótkizýge ruqsat suraǵanyn habarlaǵan bolatynbyz.
