Atyraýda meıramhana aldynda tóbeleskender izdestirilip jatyr
ATYRAÝ. QazAqparat – Atyraýda meıramhana aldynda tóbeleskender izdestirilip jatyr, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetine súıensek, tóbeles 30 qazanda saǵat 23:30 shamasynda №1 qalalyq polıtsııa bólimine 1984 jylyǵy azamat shaǵymdanǵan.
«Aryzdanýshynyń aıtýynsha, ony belgisiz adam meıramhana aldynda uryp-soǵyp, dene jaraqatyn salǵan. Tekserý kezinde jábirlenýshiniń dostarymen kezdesý úshin meıramhanaǵa kelgeni anyqtaldy. Jábirlenýshi meıramhananyń syrtynda belgisiz adamdardyń tóbelesip jatqanyn kórip, olardy ajyratpaq bolǵan. Sol kezde janjal shyǵarýshylardyń biri jábirlenýshini uryp jibergen» -dep málim etti departamenttiń baspasóz qyzmetinen.
Polıtsııa qyzmetkerleri jábirlenýshiniń shaǵymyna sáıkes, jedel izdestirý is-sharasyn júrgizgen. Qazir 30 jastaǵy azamat ustady. Tóbeleske qatysqan ózge adamdar izdestirilip jatyr.
Qazir atalǵan derekke qatysty QR Qylmystyq Kodeksiniń 293-babynyń 2-bóligimen (Buzaqylyq) qylmystyq is qozǵalyp, tergeý bastaldy.
Eske sala ketelik, buǵan deıin Atyraý turǵyny bank kartasyn taýyp alyp, dúkenderde saýda jasaǵanyn habarlaǵan bolatynbyz.
