Atyraýda mereke kúnderi vaktsınalaý beketteri jumys isteıdi
ATYRAÝ. QazAqparat – Atyraý oblysynda 1-3 mamyrdaǵy demalys kúnderi vaktsına egý beketteri jumysyn jalǵastyrady, dep habarlaıdy QazAqparat.
Atyraý oblystyq Densaýlyq saqtaý basqarmasynyń basshysy Ashan Baıdýálıevtiń aıtýynsha, aımaqta vaktsınatsııa protsesi toqtamaıdy.
«Óńirde turaqsyz epıdemıologııalyq jaǵdaı baıqalyp otyr. Koronavırýstyq ınfektsııamen aýyratyndardyń sany kún saıyn artyp keledi. Osyǵan baılanysty biz mereke kúnderi de vaktsınatsııalaý beketteriniń jumysyn toqtata almaımyz. Biraq, egý beketteriniń jumys kestesinde ózgeris bolady. 1, 2 jáne 3 mamyrda egý oryndary saǵat 9.00-den 17:00-ge deıin qyzmet kórsetedi», -deıdi Ashan Baıdýáıev.
