Atyraýda mereke kúnderi vaktsınalaý beketteri demalyssyz jumys isteıdi

ATYRAÝ. QazAqparat – Atyraýda mereke kúnderi vaktsınalaý beketteri demalyssyz jumys isteıdi, dep habarlaıdy QazAqparat.

Oblystyq Densaýlyq saqtaý basqarmasynyń baspasóz qyzmetiniń málimetinshe, atyraýlyqtar 5,6 shildede esh kedergisiz koronavırýs ınfektsııasyna qarsy ekpe alýyna bolady.

«Atyraý oblysynda vaktsınalardyń I komponentin 90 myńnan astam adam aldy. Vaktsınalardyń tolyq keshenin 50 myńnan astam turǵyn saldyrdy. Soǵan qaramastan, qazir Atyraý oblysynda asa qaýipti «delta» shtamy belsendi taralýda. Sol sebepten, qaýipti vırýstyń taralýyn tejeý úshin vaktsına saldyrǵan jón. Sonda ǵana ózińizdi, týystaryńyz men jaqyn adamdaryńyzdy qorǵaı alasyz» -dep habarlady basqarmanyń baspasóz qyzmeti.

Eske sala ketelik, budan buryn Atyraý oblysynda bir kúnde 4 myńǵa jýyq adam vaktsına saldyrǵanyn habarlaǵan bolatynbyz.