Atyraýda memlekettik qyzmetshilerge jalaqy tóleýdiń jańa júıesi engizildi
ATYRAÝ. QazAqparat - Atyraýda memlekettik qyzmetshilerge jańa jalaqy tóleý júıesi engizildi, dep habarlaıdy QazAqparat.
«Atyraý oblysynda Memleket basshysynyń tıimdi memlekettik basqarý júıesin qalyptastyrý jónindegi tapsyrmasyn oryndaý maqsatynda Memlekettik qyzmet isteri jáne sybaılas jemqorlyqqa qarsy is-qımyl agenttiginiń memlekettik qyzmetshilerge jalaqy tóleý jónindegi jańa pılottyq jobasy iske qosyldy. Bul joba laýazym ókilettikterin oryndaýdy baǵalaýda faktorlyq-ball shkalasyn qoldanýdy qarastyrady. Aılyq jalaqy mólsheri qyzmetshiniń ókilettigine, sheshiletin máselelerdiń kúrdeliligine jáne árbir qyzmetshiniń nátıjege qol jetkizýdegi jaýapkershiligine baılanysty aıqyndalady»,-dep habarlady» QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha departamentiniń baspasóz qyzmeti.
Jalaqy tóleýdiń jańa júıesi jumyskerlerdi materıaldyq yntalandyrýdyń burynǵyǵa qaraǵanda yqpaldy tetigin engizýdi qarastyrady.
Osyǵan deıin, Qazaqstannyń 4 memlekettik mekemesinde jańa jalaqy tóleý júıesi qoldanylatyny aıtylǵan bolatyn.
