Atyraýda memlekettik qyzmetkerlerge arnalǵan jol kartasy jasaldy
«Jol kartasynyń» negizgi maqsaty - memlekettik satyp alýlar salasynda quqyqbuzýshylyqty azaıtý ǵana emes, sonymen qatar, túrli vedomstvo qyzmetkerleriniń zańdy bilmeýi saldarynan jiberiletin qatelikterdiń aldyn alý. Memlekettik mekeme qyzmetkerlerine arnalǵan qujattardy Atyraý oblysy boıynsha ishki memlekettik aýdıt jónindegi departament ókilderi ázirledi.
Josparǵa sáıkes, oblysta memlekettik satyp alýlar máseleleri boıynsha praktıkalyq sabaqtarymen jappaı tehnıkalyq oqytý júrgiziledi. Sáýir aıynda memlekettik ishki aýdıt departamentinde Jylyoı aýdanyndaǵy memlekettik qyzmetkerler bilim aldy. Mamyr aıynda Qurmanǵazy aýdanyndaǵy bıýdjet salasy qyzmetkerleri bilimderin tolyqtyrady.
«Biz zańnama erejelerin túsindire otyryp, semınar-jınalystar ótkizemiz. Veb-portalmen jumys isteý, sharttardyń jasalý joldary, qyzmet kórsetýshilerdi qandaı talaptar boıynsha tańdaý kerektigi túsindiriledi. Aldaǵy ýaqytta memlekettik satyp alýlar salasynda zań buzýshylyqtar sany azaıady dep senemiz», - deıdi ishki memlekettik aýdıt departamentiniń ókilderi.
