Atyraýda memlekettik kirister departamentiniń ǵımaratyndaǵy órt sóndirildi
ATYRAÝ. QazAqparat – Atyraýda memlekettik kirister departamentiniń ǵımaratyndaǵy órt sóndirildi, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetine qaraǵanda, órt búgin túsqaıta tutanǵan.
Kópqabatty ǵımaratqa japsarlas salynǵan nysannyń shatyry janǵan.
«Oqıǵa ornyna jedel jetken órt sóndirýshiler jalyndy oqshaýlap, negizgi ǵımaratty sharpýyna jol bergen joq. Jalyndy sóndirýge departamenttiń jeke quramynan 37 qyzmetker, 6 arnaıy tehnıka men 1 avtosaty jumyldyryldy. Órttiń shyǵý sebebi anyqtalýda» dep habarlady departamenttiń baspasóz qyzmeti.
Eske sala ketelik, buǵan deıin Atyraýda memlekettik kirister departamentiniń ǵımaratynda órt shyqqanyn habarlaǵan edik.
