Atyraýda memlekettik kirister basqarmasynyń basshysy qamaldy
ATYRAÝ. QazAqparat - Atyraýda Jylyoı aýdany boıynsha memlekettik kirister basqarmasynyń basshysy qamaýǵa alyndy, dep habarlaıdy «QazAqparat» HAA tilshisi.
«2017 jylǵy 17 maýsymda Atyraý oblysy memlekettik kirister departamentiniń ishki qaýipsizdik basqarmasy qyzmetkerleri Jylyoı aýdany boıynsha memlekettik kirister basqarmasynyń basshysy Jarylǵapov Baqytqalı Qarabaıulyn QR QPK 128-babyna sáıkes qamaýǵa aldy. Qamaýǵa alý QR Qylmystyq kodeksi 361-babynyń 4-tarmaǵynda kózdelgen quqyq buzýshylyq belgileri boıynsha sotaldy tekseristiń biryńǵaı tiziliminde tirkelgen qylmystyq is boıynsha júrgizildi. Atyraý qalalyq №2 soty B. Jarylǵapovty eki aı qamaýǵa alýdy sanktsııalady», - dep habarlady Atyraý oblysy boıynsha memlekettik kiris departamenti ishki qaýipsizdik basqarmasynyń jetekshisi Zańǵar Zankanov.
