Atyraýda memleket qarjysyn jymqyrǵan kásipker sottaldy
ATYRAÝ. QazAqparat - Atyraý oblysy Qurmanǵazy aýdanynda sharýa qojalyǵynyń basshysy alaıaqtyq úshin 5 jylǵa sottaldy, dep habarlaıdy QazAqparat tilshisi.
«Sottalýshy sharýa qojalyǵynyń basshysy bolyp júrip, alaıaqtyq jolmen 5 mln 150 myń teńgeni jymqyrǵan. Atalmysh qarajat sýbsıdııa retinde jaıylymdy sýlandyrý ınfraqurylymyn júrgizý jáne mal ósirýshi sharýashylyqtardy sýmen qamtamasyz etýge bólingen. Alaıda, aýdıtorlyq tekseris kezinde sottalýshynyń bul jumystardy júrgizbegeni anyqtaldy. Sol sebepti onyń ústinen qylmystyq is qozǵaldy», - dep habarlady Atyraý oblysy Qurmanǵazy aýdandyq sotynyń baspasóz qyzmeti.
Tergeý kezinde aıyptalýshy men prokýror arasynda kináni moıyndaý týraly mámile túrindegi protsestik kelisim jasalǵan. Sottalýshy kináli dep tanylyp, oǵan shartty túrde 5 jylǵa bas bostandyǵynan aıyrý jazasy taǵaıyndaldy.
