Atyraýda mekteptiń shatyrynyń bir bóligi ushyp ketti
ATYRAÝ. QazAqparat - Atyraý oblysyndaǵy jańa mekteptiń shatyrynyń bir bóligin qatty jel ushyryp áketti, dep habarlaıdy «QazAqparat» HAA tilshisi.
«Jyldamdyǵy sekýndyna 18 metrge deıin jetken qatty jel Dossor Maqat kentindegi O.Sarǵunanov atyndaǵy orta mekteptiń shatyryn julyp ketti. Jeldiń áserinen jalpy kólemi 5 myń sharshy metr bolatyn shatyrdyń 48 sharshy metri búlingen. Oqıǵadan eshkim zardap shekken joq», - dep habarlaıdy Atyraý oblysynyń TJD.
Atalǵan mektep 2017 jyly ǵana paıdalanýǵa berilgen. Jazda osy mekteptiń shatyrynyń bir bóligine qatty jelden zaqym kelgen bolatyn.
