Atyraýda mektepterge avtobýs satyp alý úshin 120 mln teńge bólindi
ATYRAÝ. QazAqparat - Atyraý qalasynda taǵy da qosymsha 9 mektepke avtobýs alyndy, dep habarlaıdy Atyraý oblysy óńirlik kommýnıkatsııalar qyzmeti.
Ótken jyly oblys ortalyǵy men qala mańyndaǵy aýyldardaǵy 14 mektep balalardy tasymaldaýdy júzege asyrdy, bıyl qosymsha 9 mektepke avtobýs alyndy.
-Ótken oqý jylynda qala men onyń mańyndaǵy selolyq okrýgterdegi mektepten úsh shaqyrym alysta turatyn 3318 oqýshy tasymaldandy. Atap aıtsaq, №4,№5,№6,№25,№32,№36 jəne Erkinqala, Q.Smaǵulov, Besikti, B.Nysanbaev, T.Amandosov, M. Ótemisov, Jambyl, Amangeldi atyndaǵy mektepter. Bıyl jergilikti bıýdjet qarjysyna qosymsha avtobýstar satyp alyndy, sonyń arqasynda tasymaldaýmen qamtylatyn balalar sany da kóbeıdi,- dedi qalalyq bilim berý bóliminiń basshysy Svetlana Amanshıeva.
