Atyraýda mektepterdi oqýlyqtarmen qamtýǵa 1 mlrd 257 mln teńge bólindi
ATYRAÝ. QazAqparat –Atyraý oblysynda mektepterdi jańa oqýlyqtarmen qamtý úshin jergilikti bıýdjetten 1 mlrd 257 mln teńge bólindi. Bul týraly oblys ákimi Mahambet Dosmuhambetov málim etti, dep habarlaıdy QazAqparat.
Ákimniń aıtýynsha, oqýshylardyń sapaly bilim alýy úshin oqýlyqtarmen, oqý-ádistemelik quraldarymen qamtamasyz etýge basym baǵyt berilip otyr.
«Osy maqsatta jergilikti bıýdjetten 1 mlrd 257 mln teńge bólindi. Jańa oqýlyqtardy satyp alý úshin 19 baspamen 110 kelisimshart jasaldy. Oblysqa oqýlyqtar 10 tamyzdan beri jetkizile bastady. Barlyq mektep 20 tamyzǵa deıin oqýlyqtarmen tolyq qamtylady. Oqýlyqtardy tasymaldaýǵa 14 mln teńge qaraldy»,- dedi oblys ákimi Mahambet Dosmuhambetov.
