Atyraýda mektepten 170-ke jýyq adam shuǵyl evakýatsııalandy

ATYRAÝ. QazAqparat –Atyraý qalasyndaǵy ǵımaratqa jarylǵysh zat qoıylǵany týraly aqparattyń taralyp, 170-ke jýyq adam evakýatsııalandy, dep habarlaıdy QazAqparat.

Oblystyq bilim basqarmasynyń baspasóz qyzmetiniń málimetinshe, №20 Pýshkın atyndaǵy mektep-lıtseıiniń ǵımaratyna jarylǵysh zat qoıylǵany týraly aqparat taraǵan. Soǵan baılanysty mektep-lıtseıdiń kezekshi synybynan 124 oqýshy men 14 muǵalim, sondaı-aq, 30 qyzmetker shuǵyl túrde evakýatsııalanǵan.

«1996 jyly týǵan, psıhıkalyq aýytqýy bar er adam 102 pýltine qońyraý shalyp, mektep ǵımaratyna jarylǵysh zat qoıylǵany týraly habarlaǵan. Tekserý kezinde mektepte ornatylǵan beınekameralardaǵy jazbalar tolyq qaraldy. Nátıjesinde qaýipti nemese tyıym salynǵan zat tabylǵan joq»,- dedi oblystyq bilim basqarmasynyń basshysy Satqan Esenǵalıev.