Atyraýda mektep oqýshylaryn tonaýmen aınalysyp kelgender sottaldy
ATYRAÝ. QazAqparat - Atyraýda mektep oqýshylarynyń uıaly telefondaryn satyp alyp júrgen birneshe er adam 3 jylǵa sottaldy, dep habarlaıdy QazAqparat.
«Atyraý qalasynyń №2 soty QR QK-niń 191 baby, 2 bóligi, 3 tarmaqshasy (Adamdar tobynyń aldyn ala uıymdasyp alyp bótenniń múlkin tonaýy) boıynsha aıyptalǵan eki er azamattyń isin qarady. Sot otyrysy barysynda aıyptalǵan adamdardyń 2018 jyldyń aqpan aıynda №22 mektep oqýshylarynyń «Samsýng A3» markili telefondaryn qorqytyp, tartyp alǵandyǵy belgili boldy. Osy áreketinen soń olar Amandosov kóshesiniń boıyna shyǵyp, sonda «Batys-15» patrýldik polıtsııa bólimi qyzmetkerleriniń qolyna túsken. Keltirilgen shyǵyn 75 myń teńgeni qurady. Sot olardy kináli dep taýyp, aıypkerlerdiń birin 3 jylǵa bostandyǵyn shektep, 200 saǵattyq jumysqa jegý jónindegi úkim shyǵardy. Ekinshi aıypkerdiń is-áreketinen retsıdıvtik belgilerdi baıqaǵan sot ony 3 jyl bas bostandyǵynan aıyrdy»,-dep habarlady Atyraý qalasynyń №2 soty.
