Atyraýda mektep muǵalimi men eki oqýshydan A gepatıti anyqtaldy
«Atyraý oblysynda 2002 jyly A vırýstyq gepatıtiniń 157 jaǵdaıy anyqtalǵan bolatyn. Al byltyrǵy jyly gepatıtti juqtyrýdyń 6 jaǵdaıy tirkeldi. |Infektsııany juqtyrýdyń tómendeýine gepatıtke qarsy vaktsınatsııa arqyly qol jetkizilgen edi. Bıylǵy qańtar aıynda oblys boıynsha balalar arasynda A vırýsty gepatıttiń 2 jaǵdaıy tirkelip otyr. Eki jaǵdaıda da ata-anasy ekpeden bas tartqandyqtan, balalarǵa vaktsınatsııa jasalmaǵan. Vaktsınalaý 2 jastaǵy balalarǵa jáne A vırýsty gepatıti oshaqtarynda bolǵan 14 jasqa deıingi jasóspirimderge qarym-qatynastan keıin alǵashqy 2 aptada júrgiziledi. Vaktsına 6 aı saıyn 2 ret salynady», - dep habarlady oblystyq Sanıtarııalyq-epıdemıologııalyq baqylaý departamentiniń baspasóz qyzmetinen.
Atyraý qalalyq bilim bóliminiń málimetinshe, munaıly shahardaǵy orta mekteptiń muǵaliminen de A gepatıti anyqtalǵan.
«A gepatıti dıagnozy rastalǵannan keıin oqýshylardyń densaýlyq jaǵdaıyna kúndelikti monıtorıng júrgizilip otyr. Sabaqta úsh kúnnen artyq qatyspasa, ýchaskelik dárigerdiń anyqtamasymen ǵana sabaqqa jiberiledi. Baılanysta bolǵan adamdarǵa medıtsınalyq baqylaý ornatyldy. Barlyq oqýshynyń jeke medıtsınalyq kartasy, muǵalimderdiń sanıtarlyq kitapshalary tekserildi. Mektep kabınetterin kúndelikti jáne jalpy tazalaý erekshe baqylaýǵa alyndy. Naýqas muǵalim statsıonarǵa emdeýge jatqyzyldy», - dep málim etti bilim bóliminen.
Eske salaıyq, buǵan deıin Atyraýda orta mekteptiń dırektorynan týberkýlez anyqtalǵanyn jazǵan edik.